=> 酒店自助早餐, 不錯!
食飽飽之後就把握時間, 展開行程緊密既羅馬之旅!
首先第一站係… 去Termini火車站既tourist centre拎Roma Pass, 我地因為唔sure由酒店出返Termini既巴士路線, 所以決定步行, 約20分鐘, 而沿途當然要影下周圍既環境(周圍都係教堂)啦!
去到火車站, 先發現原來個tourist centre係… 唔係咁易搵, 因為, 佢唔係嚮站入面, 而入面亦冇明顯既指示, 問d staff又幫唔到手, 佢地淨係掛住吹水跟住老點d人, 條友指我地去火車站個counter, 我都見唔對路, 好彩果度有個牌寫明呢個唔係tourist centre, 不過, 又唔話比人知嚮呢, 真係”啤”一聲!
最後, 嚮入面兜來兜去搵左超過1粒鐘, 終於發現個counter原來係嚮火車站旁邊, 就係嚮尋晚機場巴士個落車站隔離咋! 最衰都係我, 大安旨意以為好易搵, 冇check清楚位置, 攪到徙左多好時間, 老婆嬲到死!
終於都拎左Roma Pass, 拿拿聲搭巴士去第一個景點 – 梵蒂岡 Vatican
=> 聖彼得廣場 Piazza San Pietro
=> 聖彼得大教堂 Basilica di San Pietro
好彩早出發, 去到Vatican都唔算好晏, 不過都已經好多人! 一去到發現原來呢度比我想像中更grand! 我地就嚮聖彼得廣場狂影一round相, 之後就見到排入聖彼得大教堂條隊超長, 所以我們決定skip佢, 直接去Vatican Museum。
嚮Vatican穿插左一輪, 終於搵到排入Museum既隊尾, 都有唔少人, 不過排左半粒鐘左右就入到。一入門口先要過security, 有個牌話唔比帶水入內, 但其實可以~ 唔知點解, 食蕉哥哥要我寄存個背囊, 但老婆又唔駛喎, 後尾諗返可能因為我個背囊入面有個金屬腳架。過左security寄埋背囊之後, 就買飛真正開始參觀。
Museum入面有幾多好有價值既展品, 要認真睇, 一日都唔夠, 我地行左3個鐘, generally睇晒d野就要走人, detail唔多講喇, 去相~
離開Museum之後, 差唔多3點喇, 就嚮出口附近既一個車仔檔買左件sandwich同雪糕醫下個肚先, 但由於有d晏, 我地又拿拿聲, 邊食邊趕去下一個景點, 就係Vatican隔離既聖天使城。
=> 聖天使城 Castel Sant'Angelo
=> 城頂既大天使 Archangel Michael
聖天使城外觀都幾grand, 但係入面其他唔係好多野睇, 最正其實係居高臨下望返出面個river view, 同埋下面條聖天使橋!
=> 聖天使橋 Ponte Sant' Angelo
=> 橋上既天使
我地影夠相就走人, 沿住條河行返出去大街, 先經過羅馬名店街 – 康多堤大道! 我地都循例入幾間打個圈, 行到尾就係西班牙廣場。其實呢個廣場冇咩特別, 只係到此一遊。
=> 康多堤大道 Via Condotti
=> 西班牙廣場 Piazza di Spagna
行下行下已經開始入黑喇, 我地又要趕去下一個景點, 就係去好出名既羅馬許願池! 當我地行到去附近既時候, 已經多人到水洩不通, 根本係冇可能影到許願池既全景圖, 我地左穿右插, 終於行到落水水池邊影d相…… 出發前, 老婆話聽朋友講只係得兩個願可以許, 果兩個願望都唔需要, 唔駛許喎。
=> 許願池 Fontana di Trevi
呢個時候睇睇錶, 已經成8點, 加上jetlag, 個人都散散地喇! 我地嘗試響附近搵野食, 但行左好耐都冇咩像樣既餐廳, 再行下行下, 原來已經返到酒店附近, 其實老婆check左酒店附近有間幾好既餐廳, 點知間餐廳真係好受歡迎, 已經full晒...... 最後, 我地響附近既另一間餐廳仔食個quick dinner, 之後就返酒店休息, 散晒~~~
=> 斷 gram計既dinner
~~~~~~~~~~~~~~~~
TO BE CONTINUED
~~~~~~~~~~~~~~~~
