(由於篇幅頗長, 可能要一段時間先可以正式完成)呢次旅行原定地點其實係日本京阪神(睇櫻花), 但係因為小弟太遲先confirm到假期的關係(約二月中), 結果所有價錢似樣既機票都full晒, 結果被老婆鬧爆。
死死氣唯有睇下仲有咩地方可以去, 結果無厘頭見到去歐洲既機票原來都唔係好貴, 搵搵下仲搵到國航去羅馬既機票連稅油附加費都係$4600(不過要去北京轉機)! 於是去意大利之旅就咁決定左。
=> 29/3晚上機先去北京, 去到北京都半夜......
=> 國航D飛機餐其實都OK
由於老婆之前唔覺意睇到國航會為overnight等轉機既旅客提供免費住宿(要上機前兩日預定), 於是我地就去國航counter坐shuttle去賓館。
=> 國航中轉服務個counter, D服務人員著晒老西!
賓館係一間"4 star"酒店, stay一晚係OK (可惜冇影相作為reference), 有埋shuttle接送往來機場, 一個仙都唔駛比, 呢個要overnight既compensation offer都算唔差~
由於第二朝去意大利班機中午先起飛, 所以我地都可以比較悠閒咁係賓館食埋個好難食既早餐(可能係我少番大陸, 見識少, 但係我真係接受唔到 >.< ), 先去機場。
第二日要搭成十幾個鐘飛機, 真係人都癲>.<
=> 終於到達羅馬國際機場(Aeroporto di Fiumicino)!
去到羅馬個邊已經係黃昏, 人唔多, 入境好快, d關員邊做野邊吹水, 一流!
拿拿聲去搵巴士搭出市中心...... (p.s. 有錢既人多數會揀坐express train出市中心, 又快又好坐, 不過為慳皮我地決定坐巴士, 仲要係最平果架~)
=> 位位只係4蚊歐羅~
由機場出到市中心既火車站要1粒鐘多D, 天都黑晒 >.<
=> 落車位: Termini火車站旁
=> 個bus stop牌有schedule (不過唔準時的haha)
由於出發之前已經知道意大利出名治安差, 係各大forum亦見不少人被偷野搶野既經歷, 而事實上火車站附近真係聚集好多唔知等/搞咩既人, "左稍右稍", 所以一落車我地就極速逃離火車站範圍, 雞咁腳避開D人群, 向酒店前進。 而係途中, 我地無厘頭差D俾班依哇鬼叫既青年圍, 好彩我地又極速避開左 _ _|||
去到酒店, 大概8~9點左右。 雖然呢間精品酒店唔係嚮正市中心, 不過房間很乾淨企理, 個toilet仲好很大, 遲D再post多D相。
=> 酒店房間張床
累到爆, 又開始肚餓, 諗住去附近買D野食, 點知咩鋪頭都收晒檔, 接待處個姐姐話只有市中心或火車站附近先會開到咁夜……
好彩我地係北京買左D杯麵, 否則當晚應該會餓死左……
~~~~~~~~~~~~~~~~
TO BE CONTINUED
~~~~~~~~~~~~~~~~
沒有留言:
張貼留言