宿命論??

小弟係術數初哥,習術數不過兩三年時間。由於深知自己既不足, 加上"夏虫不可與語冰"既想法, 我基本上唔會主動同身邊既朋友談有關術數既野。

不過唔知點解, 近排越來越多朋友同同事知道我有學, 有D仲主動唻問下我野。不過, 亦有D人, 係我未開口講野之前, 已經一輪咀發表自己既意見，有正面既, 亦有負面既, 基本上我都無放係心上面, 不過其中一位朋友既意見, 就引起左我少少既思考。

LEE位朋友講既, 就係究竟知命可唔可以改命, 宿命論之類既問題。其實都係老生常談, 不過坦白講, 我真係唔識答。究竟係唔係所有野都係整定?定係將來可以任你創造?知道將來既命運, 係唔係就可以預先作出改變? 如果可以改變, 但係改變本身係唔係都係既定宿命既一部分? LEE個問題太過哲學性, 哲學到我覺得只有造物主下凡親自解說先有答案。 至於我地所有凡人, 對LEE個問題只可能有意見而無答案。不過每當我聽到有人傾宿命論, 我就會好自然諗起MATRIX第二集入面NEO同ORACLE既對話:

主角NEO問ORACLE, 如果所有野都預先俾你知道晒(宿命), 我仲點有得選擇?

But if you already know, how can I make a choice?

ORACLE答其實NEO早已經選擇左, 所以佢LEE刻唔係要選擇D咩, 而係要理解既當中既因果

Because you didn't come here to make a choice, you've already made it. You're here to try to understand why you made it.

ORACLE既回應非常複雜, 簡單唻講世界既因果業力作用其實遠超我地既理解, 與其妄想改變所謂既命運, 不如先理解當前事物既因果, 或者反而係解決辦法。

下?唔明? HAHA, 唔緊要, 好多野其實一下子好難講得清, 好靠大家自己心神領會, 又或者, 借隻VCD番唻認真咀嚼下佢D對話, 大家就自自然會有更深既體會。