煲緊名家秦瑞生老師本<<大六壬畢法賦精註詳解>>
睇到第62頁講到有關占升遷的一課
公歷 1995年9月9日
乙亥 乙酉 癸卯 庚申
癸卯日巳將申時辰巳空
寅年 亥命


    合朱蛇貴
    寅卯辰巳
勾丑        午后
青子        未陰
    亥戌酉申
    空虎常玄

常 青 陰 虎
酉 子 未 戌
子 卯 戌 癸

官 戊戌 虎
官 乙未 陰
官 辰 蛇 ◎


有一上校探訪一林姓醫師的門人, 醫師遂觸機起課
秦老師書中既分析係:
1. 1. 干上戌鬼乘虎, 正是催官使者, 有利身為軍人將校既問者占問升遷事宜
2. 2. 命上見申為日干長生, 加上太歲助干, 不畏年上亥乘空
3. 3. 發用戌, 當在農曆9月晉升
4. 4. 唯一不美之處, 末傳空亡且辰沖戌, 防虎頭蛇尾
5. 5. 重鬼乘凶將, 利武官

問者聽後滿懷高興, 事實上當時亦呼聲甚高. 但發佈時竟未有上榜, 秦師自己亦百思不得其解……

本來連名家秦瑞生老師都解唔通, 小弟lee d門外漢實在唔好意思班門弄斧
不過想起以前有篇文章寫到 "一門術數如果連做個事後孔明都辦不到, 豈非成套學說都有問題?" 所以小弟左思右想, 希望為lee課六壬加少少解釋, 希望各位前輩能幫忙指導一下

lee課既重點在於干上的戌鬼乘虎發用, 名催官使者, 取其鬼亦為官, 而虎亦有快速之意, 利升遷, 不過我等初學者要好小心, 因為鬼同虎亦可類災病凶險, 因此一不小心, 催官符就變成催命符, 所以要好小心搞清楚占問既事類, 同衡量整體課像吉凶先決定lee個"催" 究竟係催d咩

好啦, 睇番四課先, 干支上下交車合, 即子丑、卯戌, 因為干為人, 支為事為工作單位, 所以可以 "當時呼聲甚高" 既象都可以理解, 不過子丑、卯戌都係剋合，合中帶剋，始終有D手尾。德貴空亡，由月將巳填實，但係由於不現課傳, 所以助力有限。日祿臨亥乘空，同三馬不現課傳, 所以唔可以一面倒認為係吉象。

三傳戌鬼自干上發用係斬關, 配虎陰將可成斬關得斷, 其實都可以理解做經過千辛萬苦而事終成一如秦師所講, 其實整體課象都ok, 不過最差就係"辰"字, 點解?
因為"辰"空亡, 又為水既墓鬼, 日干癸水寄宮丑坐辰, 即係坐係個掘開左既墳墓入面, 既無立腳點, 仲有"鬼"飛來飛去, 所以日干既財官都只係空中樓閣, 根本無根基支撐
另一方面, 末傳空亡lee樣野大家要好小心, 係另外一d名家既課例中, 亦有課傳好好, 不過末傳空亡或者藏鬼煞, 結果順利升官後過幾年最終慘淡收場
所以秦師分析"虎頭蛇尾"係絕對需要留意, 不過係"蛇尾"幾時出現呢?
答案係唔夠兩個星期(我估), 點解?
秦師估lee位上校農曆9月晉升, 即是西曆10頭, 不過其實係西曆9月22、23日, 即係占lee課既兩星期後, 發生左一件事, 就係月將由巳進入左辰宮, 即係天秤座, 辰將既出現, 立即填實左末傳辰土墓鬼, 既沖干上催官使者, 又填好干下既墓鬼, 所有既課象, 一下又吉變凶......


小弟門外漢, 亂up一通, 有錯切怪